வேலூர், நவ. 16 –
வேலூர் மாவட்டம் காட்பாடியில் ரூ.1.27 கோடி மதிப்பீட்டில் கட்டப்பட்டுள்ள பொதுப்பணித் துறையின் கோட்டம் மற்றும் உட்கோட்டம் அலுவலக கட்ட டங்களை (கட்டுமானம் மற்றும் பராமரிப்பு) முதலமைச்சர் மு.க.ஸ்டாலின் இன்று தலைமைச்செயலகத்தில் இருந்து காணொலிக் காட்சி வாயிலாக திறந்து வைத்தார்.
இவ்வலுவலகக் கட்டடம் தரை மற்றும் இரண்டு தளங்களுடன் மொத்தம் சுமார் 6495 சதுர அடி பரப்பளவில் கட்டப்பட்டுள்ளது. இக்கட்டடத்தின் செயற் பொறியாளர் அலுவலகம், உதவி செயற்பொறியாளர் அலுவலகம், மின் உதவி செயற்பொறியாளர் மற்றும் உதவிபொறியாளர்கள் அலுவலகங்கள் அமைக்கப்பட்டுள்ளன. மேலும் இக்கட்டத்தில் மழைநீர் சேமிப்பு வசதி சுற்றுச்சுவர் போன்ற பல்வேறு வசதிகளும் ஏற்படுத்தப்பட்டுள்ளது.
இந்த நிகழ்ச்சியில் பொதுப்பணித்துறை அமைச்சர எ.வ.வேலு பொதுப்பணித்துறை கூடுதல் தலைமைச் செயலாளர் தயானந்த் கட்டாரியா, முதன்மைத் தலைமைப் பொறியாளர் ( கட்டடம் ) இரா.விஸ்வநாத் மற்றும் அரசு உயர் அலுவலர்கள் கலந்துக் கொண்டனர்.
