திருவாரூர், டிச.16 –
வானிலை ஆய்வு மையத்தின் கூற்றுப்படி திருவாரூர் மாவட்டத்தில் இன்று மிதமான மழையும் நாளை கன மழை பெய்யும் என தெரிவித்திருந்தது அதன்படி திருவாரூர் மாவட்டத்தில் இன்று காலை முதல் திருவாரூர் மன்னார்குடி வலங்கைமான் குடவாசல் நன்னிலம் திருத்துறைப்பூண்டி முத்துப்பேட்டை உள்ளிட்ட மாவட்டத்தின் பல்வேறு பகுதிகளிலும் அதன் சுற்றுவட்டார பகுதிகளிலும் மிதமான மழை பெய்து வருகிறது.
மழை காரணமாக அத்தியாவசிய தேவைகளுக்காக வெளியில் செல்பவர்கள் பொதுமக்கள் மிகுந்த சிரமத்திற்கு ஆளாகினார்கள். கடந்த சில நாட்களாக வெயில் கடுமையாக அடித்து வந்த நிலையில் தற்போது பெய்து வரும் மழையின் காரணமாக ஆகாயத்தை நம்பி நேரடி நெல் விதைப்பு செய்த விவசாயிகள் மகிழ்ச்சி அடைந்துள்ளார்கள். சில இடங்களில் மழை காரணமாக சம்பா மற்றும் தாளடி பயிர்களில் பூச்சி தாக்குதல் அதிகரித்துள்ளதாக விவசாயிகள் கவலையும் அடைந்துள்ளார்கள்
