இராசிபுரம், மார்ச். 23 –
இராசிபுரம் கட்டனாச்சம்பட்டி வேளாண்மை கூட்டுறவு கடன் சங்கத்தில், 358 பேருக்கு ரூ.85 லட்சம் மதிப்பிலான நகைகளை மீட்டு உரிய பயனாளிகளுக்கு வழங்கப்பட்டது.
நாமக்கல் மாவட்டம் வெண்ணந்தூர் ஒன்றியம், கட்டனாச்சம்பட்டி தொடக்க வேளாண்மை கூட்டுறவு கடன் சங்கத்தில் தள்ளுபடிக்கு தகுதியான 5 பவுனுக்குள்ளான நகைகள் மீட்டு உரிய பயனாளிகளிடம் வழங்கும் நிகழ்வு நடந்தது.
இதில், வெண்ணந்தூர் ஒன்றிய கழக பொறுப்பாளரும், ஒன்றியக்குழு உறுப்பினர் RM.துரைசாமி பயனாளிகளுக்கு நகைகளை திருப்பி அளித்தனர். மொத்தம், 358 பயனாளிகளுக்கு ரூ.85 லட்சம் மதிப்பில் நகைகள் திருப்பிக் கொடுக்கப்பட்டது.
நிகழ்ச்சியில், கட்டனாச்சம்பட்டி ஊராட்சி மன்ற தலைவர் தங்கதுரை உள்ளிட்ட பலரும் கலந்து கொண்டனர்.
