தலைக்கவசம் அணிந்து வந்தவர்களுக்கு மண் வளம் காக்க மரம் வழங்கிய தஞ்சை காவல்துறையினர் …

தஞ்சாவூர், மே. 14 –

தம்பட்டம் செய்திகளுக்காக செய்தியாளர் சாரு …

தலைகவசம் உயிரை காப்பது போல, மண் வளத்தையும், மழை பொழிவையையும் பெறவும், வீட்டுக்கு ஒரு மரக்கன்று நடுவோம்  என்பதை வலியுறுத்தும் வகையில், தஞ்சையில் காவல் துறை சார்பில் ஹெல்மெட் அணிந்து வந்த இருசக்கர வாகன ஓட்டிகளுக்கு மரக்கன்றுகள் வழங்கினார்கள்.

தஞ்சை அண்ணா சாலை,  இராஜா மிராசுதார் மருத்துவமனை சாலைகளில் காவல்துறையினர் 13 ஆம் தேதி  நேற்று மாலை வாகன சோதனையில் ஈடுப்பட்டு வந்தனர். அப்போது ஹெல்மெட் அணிந்து வந்த ஆண் மற்றும் பெண் வாகன ஓட்டிகளுக்கு பயன் தரும் மரக்கன்றுகளை வழங்கி அசத்தினார்கள்.

ஹெல்மெட் அணியாமல் வந்த வாகன ஒட்டிகளுக்கு அபராதம் விதிக்காமல் ஹெல்மெட் அணிவதன் அவசியம் குறித்து அறிவுரை கூறி அனுப்பி வைத்தனர்.

தலைக்கவசம் உயிரை காப்பது போல மண் வளத்தையும், மழை வளத்தையும் காக்க வீட்டுக்கு ஒரு மரக்கன்றுகள் நடுவோம் என்ற அடிப்படையில் மரக்கன்றுகள் வழங்கப்பட்டதாக காவல் துறையினர் தெரிவித்தனர்.