பொன்னேரி, மார்ச். 12 –
பொன்னேரி கிருஷ்ணாபுரத்தில் உள்ள ஸ்ரீதேவி அறிவியல் மற்றும் கலை கல்லூரியில் இன்று 320 மாணாக்கர்களுக்கு பட்டமளிப்பு விழா நடைப்பெற்றது.
திருவள்ளூர் மாவட்டம் பொன்னேரி கிருஷ்ணாபுரம் பகுதியில் அமைந்துள்ள ஸ்ரீதேவி அறிவியல் மற்றும் கலை கல்லூரியில் பி.காம், பி.பி.ஏ. உள்ளிட்ட எட்டு பிரிவுகளில் கல்வி பயின்ற மாணவ, மாணவிகளுக்கு பட்டமளிப்பு விழா கல்லூரியின் வளாகத்தில் நடைபெற்றது.
இவ்விழாவிற்கு கல்லூரியின் தாளாளர் பி.ரமேஷ் தலைமை வகித்தார். கல்லூரியின் முதல்வர் வி.லட்சுமிபதி. கல்லூரியின் பேராசிரியர்கள் மரிய லியோனி பமீலா. கூடுதல் முதல்வர் பால் ஆரோக்கியம். உள்ளிட்டோர்கள் முன்னிலை வகித்தனர். .இதில் சிறப்பு அழைப்பாளராக திமுக மாநிலங்களவை உறுப்பினர் டாக்டர்.கனிமொழி கலந்துக்கொண்டு பிகாம். பிபிஏ. உள்ளிட்ட பிரிவுகளில் கல்வி பயின்ற மாணவர்கள் 270 பேர் மற்றும் பி.எட் பட்டம் பெற்ற 50 பேர் என மொத்தமாக 320 மாணவ. மாணவிகளுக்கு பட்டங்களை வழங்கினார். இந்நிகழ்ச்சியில் திரளான மாணவர்கள் கலந்து கொண்டு விழாவினை சிறப்பித்தனர்..
