மீஞ்சூர், மே. 12 –
திருவள்ளூர் மாவட்டம், மீஞ்சூர் ஒன்றியத்திற்குட்பட்ட நாலூர் பகுதியில் அதிமுக பொதுச்செயலாளர் எடப்பாடி கே.பழனிச்சாமி 69 வது பிறந்தநாள் விழா அக்ட்சியினர் சார்பில் வெகுவிமர்சையாக கொண்டாடப்பட்டது.
மேலும் மீஞ்சூர் ஒன்றிய அதிமுகச் செயலாளர் முத்துக்குமார் தலைமையில், திரளான அக்கட்சி தொண்டர்கள் உடன் சென்று, அப்பகுதியில் அமைந்துள்ள ஜெயலலிதாவின் திரு உருவச்சிலைக்கு மாலை அணிவித்து, மலர் தூவி மரியாதை செலுத்தினார்கள்.
தொடர்ந்து, அப்பகுதி மக்களுக்கு இனிப்புடன் கூடிய உணவும் வழங்கினார்கள். அதனைத் தொடர்ந்து பொன்னேரி அடுத்த மேலபட்டறை கிராமத்தில் முன்னாள் மாவட்ட கவுன்சிலர் ஆறுமுகம் ஏற்பாட்டில், அப்பகுதியில் உள்ள திருக்கோவில்களில் சிறப்பு பூஜையும், ஏழை எளிய மக்களுக்கு இனிப்புடன் கூடிய அறுசுவை உணவுப் பரிமாறினார்கள். முன்னதாக ஜெயலலிதா, எம்ஜிஆரின் திருவுருவப்படத்திற்கு மாலை அணிவித்து மரியாதை செலுத்தினார்கள்.
இந்நிகழ்ச்சிகளில் பொன்னுதுரை, வெற்றிவேல் ராமலிங்கம், கொண்டக்கரை அமிர்தலிங்கம், வழக்கறிஞர் மாரி உள்ளிட்டவர்களும், திரளான அக்கட்சி தொண்டர்கள் மற்றும் பொதுமக்கள் கலந்து கொண்டனர்.
