திருவாரூர், அக். 05 –
திருவாரூர் நகர் தெற்கு வீதியில் உள்ள ராஜாங்கட்டளை சன்னதியில் இவ்வருடம் பள்ளியில் புதியதாக சேரும் சிறுவர் சிறுமிகளுக்கு அக்ஷராப்யாஷம் எனும் வித்யாரம்பம் எனும் நிகழ்ச்சி தருமை ஆதினத்தின் ஆசியுடன் நடைப்பெற்றது.
இந்நிகழ்ச்சியில் குழந்தைகளுக்கு நாவில் தேன் தடவி, தாம்பூலத்தில் நிரப்பிய நெல்மணிகளில் அவர்கள் பிள்ளையார் சுழியுடன் அ, ஆ எழுத பழகினர். தொடர்ந்து அவர்கள் அனைவருக்கும் எழுது கோள் மற்றும் சிலேட்டுடன் பிரசாதங்கள் வழங்கப்பட்டது.
இந்த நிகழ்ச்சியில் ராஷ்டிரிய சுயம்சேவாக் சங்கத்தின் மாவட்ட தலைவர் பாலசுப்பிரமணியன், ஹிந்து ஆலய பாதுகாப்பு இயக்கத்தின் மாவட்ட தலைவர் பாலரெத்தினம், மாநில பொருளாளர் வேல்மயில், மாவட்ட செயலாளர்கள் நவநீத கிருஷ்ணன் மற்றும் சங்கர் ஆகியோர் கலந்து கொண்டு விழாவினை நடத்தினர்.
