சீர்காழி, மே. 14 –
தம்பட்டம் செய்திகளுக்காக மாவட்டச் செய்தியாளர்
சீர்காழி அடுத்த தொடுவாய் மீனவ கிராமத்தில் 10 மற்றும் 12ஆம் வகுப்பு பொதுத் தேர்வில் சிறப்பிடம் பெற்ற மாணவமாணவிக்கு தமிழக வெற்றிக்கழகம் சார்பில் பதக்கம் அணிவித்து, ரொக்கபணம் வழங்கி பாராட்டினர். விரைவில் தளபதியை சந்திக்க தயாராக இருங்கள் எனவும் உற்சாக படுத்தினர்
மயிலாடுதுறை மாவட்டம், சீர்காழியை அடுத்த தொடுவாய் மீனவ கிராமத்தில் தமிழக வெற்றிக்கழகம் மாவட்ட மீனவரணி சார்பில் மீனவ கிராமத்தில் 10 மற்றும் 12}ஆம் வகுப்பு பொதுதேர்வில் சிறப்பிடம் பெற்ற மாணவர்களுக்கு பாராட்டு விழா மாவட்ட மீனவரணி தலைவர் விஜய் தலைமையில் நடைபெற்றது.
இதில் மாவட்ட தலைவர் சி.எஸ். குட்டி.கோபி,தொண்டரணி தலைவர் தினேஷ் ஆகியோர் சிறப்பு அழைப்பாளராக பங்கேற்று மடவாமேடு மீனவ கிராமத்தை சேர்ந்த 12ஆம் வகுப்பு பொது தேர்வில் 582 மதிப்பெண்கள் பெற்று கொள்ளிடம் வட்டாரத்தில் முதலிடம் பெற்ற ஆர்.சமிக்க்ஷா, தொடுவாய் மீனவ கிராமத்தை சேர்ந்த பத்தாம் வகுப்பு பொதுதேர்வில் 497 மதிப்பெண்கள் பெற்று மாவட்ட அளவில் முதலிடம் பெற்ற ஆர்.ஹாசினி,
திருமுல்லைவாசல் மீனவ கிராமத்தை சேர்ந்த பத்தாம் வகுப்பு தேர்வில் 494 மதிப்பெண்கள் பெற்ற வி.நகுலன் ஆகியோருக்கு பதக்கங்கள்,சால்வை அணிவித்து ரொக்கபணம் வழங்கி கௌவித்து பாராட்டினர்.
மேலும் விரைவில் தளபதி விஜய் தலைமையில் பாராட்டு விழாவில் நேரில் சந்திக்க தயாராக இருங்கள் என நிர்வாகிகள் தெரிவித்ததால் மாணவ மணிகள் உற்சாகம் அடைந்தனர்.
