திருச்சிரப்பள்ளி, ஜூன். 08 –
பொது விநியோகத்திட்டத்தில் காணப்படும் குறைபாடுகளை களைவதற்கும் மக்களின் குறைகளை கேட்டு உடனுக்குடன் அவற்றை நிவர்த்தி செய்யவும், உணவுப்பொருள் வழங்கல் தொடர்பான பொதுமக்கள் குறைத்தீர் கூட்டம் மாதந்தோறும் இரண்டாவது சனிக்கிழகைகளில் நடத்திட உரிய நடவடிக்கை எடுத்திட வேண்டும் என தமிழ்நாடு அரசின் அளித்துள்ள உத்திரவின் பேரில், திருச்சி மாவட்டத்தில் வருகின்ற ஜூன் 11 ஆம் தேதி சனிக்கிழமை காலை 10 மணி முதல் பிற்பகல் 1 மணி வரை வட்டங்கள் வாரியாக பொது விநியோகத்திட்ட குறை தீர்க்கும் நாள் கூட்டத்தினை நடத்திட மாவட்ட நிர்வாகம் நடவடிக்கை மேற் கொள்கிறது. அதன் படி அந்தந்த வட்டங்களில் உள்ள நியாய விலைக்கடை,களில் நடைப்பெறும் எனத் தெரிவிக்கப்பட்டுள்ளது.
திருச்சி கிழக்கு வட்டத்திற்கான குறைதீர் நாள்கூட்டம் நியாய விலைக்கடை வளாகத்தில் அரியமங்கலம் அமுதம் அங்காடியில் திருச்சி துணைப்பதிவாளர் ( பொ.வி.தி ) கண்காணிப்பளர் அலுவலர் தலைமையில் நடைப்பெறுகிறது.
திருச்சி மேற்கு வட்டத்திற்கான குறைதீர் நாள்கூட்டம் புத்தூர் அமரவதி நியாவிலைக்கடை வளாகத்தில் திருச்சி வருவாய் கோட்டாட்சியர் கண்காணிப்பு அலுவலர் தலைமையில் நடைப்பெறுகிறது.
திருவெறும்பூர் வட்டத்திற்கான குறைதீர் கூட்டம் அகரம் – 1 நியாயவிலைக்கடை வளாகத்தில் திருச்சி மாவட்ட வழங்கல் மற்றும் நுகர்வோர் பாதுகாப்பு அலுவலர் தலைமையில் நடைப்பெறுகிறது.
ஸ்ரீரங்கம் வட்டத்திற்கான குறை தீர் கூட்டம் அல்லித்துறை நியாய விலைக்கடை வளாகத்தில் திருச்சி மாவட்ட பிற்படுத்தப்பட்டோர் மற்றும் சிறுபான்மையினர் நல அலுவலர் தலைமையில் நடைப்பெறுகிறது.
மணப்பாறை வட்டத்திற்கான குறைதீர் கூட்டம் நடுப்பட்டி நியாய விலைக்கடை வளாகத்தில் ஸ்ரீரங்கம் வருவாய் கோட்டாட்சியர் தலைமையில் நடைப்பெறுகிறது.
மருங்காபுரி வட்டத்திற்கான குறைத்தீர் கூட்டம் அம்மாசத்திரம் – 1 நியாய விலைக்கடை வளாகத்தில் மாவட்ட ஆட்சித்தலைவரின் நேர்முக உதவியாளர் ( தேர்தல் ) தலைமையில் நடைப்பெறுகிறது.
இலால்குடி வட்டத்திற்கான குறைத்தீர் கூட்டம் பெருவளப்பூர் நியாய விலைக்கடை வளாகத்தில் இலால்குடி வருவாய் கோட்டாட்சியர் தலைமையில் நடைப்பெறுகிறது.
மண்ணச்சநல்லூர் வட்டத்திற்கான குறைத்தீர்கும் கூட்டம் மாதவப்பெருமாள் கோயில் நியாய விலைக்கடை வளாகத்தில் மாவட்ட ஆய்வுக்குழு அலுவலர் தலைமைமயில் நடைப்பெறுகிறது.
முசிறி வட்டத்திற்கான குறைத்தீர்க்கும் கூட்டம் மங்கலம் நியாய விலைக்கடை வளாகத்தில் முசிறி கோட்டாட்சியர் தலைமையில் நடைப்பெறுகிறது.
துறையூர் வட்டத்திற்கான குறைத்தீர் கூட்டம் எரக்குடி நியாயவிலைக்கடை வளாகத்தில் திருச்சி உதவி ஆணையர் கலால் தலைமையில் நடைப்பெறுகிறது.
தொட்டியம் வட்டத்திற்கான குறைத்தீர் கூட்டம் தொட்டியாப்பட்டி நியாய விலைக்கடை வளாகத்தில் சமூக பாதுகாப்புத்திட்ட தனித்துணை ஆட்சியர் தலைமையில் நடைப்பெறுகிறது.
எனவே பொதுமக்கள் தங்கள் பொது விநியோகத்திட்டம் தொடர்பான கோரிக்கைகளை வட்டம் வாரியாக அந்தந்தப்பகுதி நியாய விலைக்கடை வளாகத்தில் நடைப்பெறும் குறைத் தீர் கூட்டத்தில் கலந்துக் கொண்டு தெரிவித்து பயன் அடையுமாறு மாவட்ட ஆட்சித்தலைவர் சு.சிவராசு தெரிவித்துள்ளார்.
