பொன்னேரி, ஏப். 22 –
திருவள்ளூர் மாவட்டம், பொன்னேரி வட்டத்தில் உள்ள துணை மின் நிலைய வளாகத்தில் சட்டமாமேதை டாக்டர் அம்பேத்கரின் 132 வது பிறந்தநாள் விழாவை முன்னிட்டு பொன்னேரி அனைத்து மின் ஊழியர்கள் சார்பில் கலை நிகழ்ச்சி நடைப்பெற்றது. அதில் பங்கேற்ற மாணவ மாணவிகளுக்கு பரிசுகளை வழங்கினார்கள்.
இந்நிகழ்ச்சிக்கு பொன்னேரி துணை மின்நிலைய வணிக உதவியாளர் இயேசு வரவேற்புரையாற்றினார். டாக்டர். அம்பேத்கர் பணியாளர் மற்றும் பொறியாளர் சங்க மாநில அமைப்பு செயலாளர் கன்னியப்பன் முன்னிலை வகித்தார். சென்னை மின் திட்ட வடக்கு மேற்பார்வை பொறியாளர் சந்திரசேகரன் கலை நிகழ்ச்சிகளில் பங்கேற்ற மாணவ மாணவிகளுக்கு பரிசுகளை வழங்கினார்.
பொன்னேரி கோட்ட செயற்பொறியாளர் உதயகுமார், பொன்னேரி உதவி நிர்வாக அலுவலர் ராமதாசு, உதவி செயற் பொறியாளர்கள் நெடுமாறன், பன்னீர்செல்வம், சற்குணம் உதவி பொறியாளர்கள் மகேந்திராசிட்டி ஷீலா, கும்மிடிபூண்டி பசுமதி. பூவலம்பேடு சிவநேசன். ஆகியோர் கருத்துரையாற்றினர்ர்கள்.
ஆதித்தமிழர் கலை குழுவினரின் சார்பில் பறை ஆட்டம், நாட்டுப்புற பாடல்கள் உள்ளிட்ட பல்வேறு கலைநிகழ்ச்சிகள் நடைபெற்றது. இதில் அம்பேத்கர் பணியாளர் மற்றும் பொறியாளர் சங்கத்தின் நிர்வாகி கோடீஸ்வரன் நிகழ்ச்சியில் பங்கேற்றவர்களுக்கு நன்றியுரையாற்றினார்.
