மீஞ்சூர், ஏப். 05 –
தம்பட்டம் செய்திகளுக்காக செய்தியாளர் பாலகணபதி …
திருவள்ளூர் பாராளுமன்ற (தனி ) தொகுதியில் அதிமுக கூட்டணி சார்பில் போட்டியிடும் தேமுதிக வேட்பாளர் கு.நல்லதம்பி முரசு சின்னத்திற்கு வாக்கு கேட்டு சுட்டெரிக்கும் வெயிலில் மீஞ்சூர் ஒன்றியத்தில் தீவிர பிரச்சாரத்தில் ஈடுப்பட்டார்.
திருவள்ளூர் பாராளுமன்ற (தனி) தொகுதி தேமுதிக வேட்பாளர் கு.நல்லதம்பி பொன்னேரி சட்டமன்றத் தொகுதியில் மெதூர், அரசூர், கோளூர், அண்ணாமலைசேரி, திருப்பாலைவனம், தத்தமஞ்சி, திருவெள்ளவாயல், அரியன்வாயல், உள்ளிட்ட பல்வேறு இடங்களில் சுட்டெரிக்கும் வெய்யிலில் வீதி வீதியாக சென்று முரசு சின்னத்திற்கு வாக்கு கேட்டு பிரச்சாரத்தில் ஈடுபட்டார்.
பிரச்சாரத்தின் போது அவர் கேப்டன் விஜயகாந்த் வழியில் மக்களுக்கு நல்லது செய்வேன், மக்களை ஏமாற்ற மாட்டேன், அவர்களுக்காக பாராளுமன்றத்தில் குரல் கொடுப்பேன் எனவும் மேலும் உங்களின் பிரச்சனையை தீர்ப்பேன் என்றும் அவர் தெரிவித்தார். மேலும் பொதுமக்கள் அவர் செல்லும் இடங்கள் எல்லாம் பட்டாசு வெடித்து மாலை அணிவித்தும் உற்சாக வரவேற்பு அளித்தனர்.
அதில் அதிமுக முன்னாள் சட்டமன்ற உறுப்பினர்கள் பலராமன், பொன் ராஜா, கே.எம்.டில்லி, தனஜெயன் அங்கமுத்து, ஜெகதீசன், நாலூர் முத்துக்குமார், மாவட்ட மாணவர் அணி செயலாளர் ராகேஷ், பானுபிரசாத், செல்வகுமார், வினோத், சுமித்ராகுமார், ரமேஷ் ,சலீம், உபயதுல்லா, கொண்டகரை அமிர்தலிங்கம், தத்தமஞ்சி, வெற்றி என்கிற ராமமூர்த்தி, ஆமூர் தனசேகர், மெரட்டூர் வழக்கறிஞர் திருமுருகன், கோளூர் குமார், கல்பாக்கம் பிரியங்கா துரைராஜ், வாயலூர் ராஜேஷ், பிரகாஷ் ,பரிக்கப்பட்டு வீரா மற்றும் தேமுதிக உள்ளிட்ட அதிமுக கூட்டணி நிர்வாகிகள் பலர் கலந்து கொண்டனர்.
