பொன்னேரி, டிச. 13 –
பொன்னேரியில் இன்று ரஜினிகாந்த் பவுண்டேஷன் மற்றும் அகில இந்திய தலைமை ரஜினிகாந்த் ரசிகர் நற்பணி மன்றத்தின் சார்பில் மிக்ஜாம் புயல் வெள்ளத்தால் பாதிக்கப்பட்ட மக்களுக்கு வெள்ள நிவாரண தொகுப்பு வழங்கும் நிகழ்ச்சி நடைப்பெற்றது.
திருவள்ளூர் மாவட்டம், பொன்னேரியில் மிக்ஜாம் புயலால் பாதிக்கப்பட்ட பொதுமக்களுக்கு ரஜினிகாந்த் பவுண்டேஷன் மற்றும் அகில இந்திய தலைமை ரஜினிகாந்த் ரசிகர் நற்பணி மன்றம் சார்பில் அரிசி, மளிகைசாமான்கள், பெட்ஷீட், பாய் உள்ளிட்ட நிவாரண பொருட்கள் அடங்கிய வெள்ள நிவாரணத் தொகுப்புகளை மீஞ்சூர், கும்மிடிப்பூண்டி, பொன்னேரி, சோழவரம், எல்லாபுரம் உள்ளிட்ட பகுதிகளில் மிக்ஜாம் புயல் வெள்ளத்தால் பாதிக்கப்பட்ட மக்களுக்கு வழங்கினார்கள்.
முன்னதாக நேற்று சூப்பர்ஸ்டார் ரஜினிகாந்த் பிறந்த தினத்தினை முன்னிட்டு நேற்று காலை ஆலயங்களில் வழிபாடும், சுமார் 1000 பேருக்கு அன்னதானமும் வழங்கினார்கள். அதன் தொடர்ச்சியாக இன்று மிக்ஜாம் புயல் பாதிக்கப்பட்ட மக்களுக்கு, அத்யாவசிய பொருட்கள் அடங்கிய வெள்ள நிவாரண தொகுப்பினை திருவள்ளூர் மாவட்ட அகில இந்திய ரஜினிகாந்த் ரசிகர் நற்பணி மன்றத்தை சேர்ந்த நிர்வாகிகள் அந்தந்த பகுதியில் உள்ள பாதிக்கப்பட்ட மக்களுக்கு வழங்கினார்கள்.
இந்நிகழ்ச்சியில், திருவள்ளூர் மாவட்ட இணை செயலாளர் ஆர்.சி.சேகர், துணைச் செயலாளர் கருணாகரன், துணைச் செயலாளர் வெங்கட் முனிவேல் ஆகியோர் வழங்க அந்தந்த பகுதி நிர்வாகிகள் அதனைப் பெற்றுக் கொண்டனர்.
