சென்னை:
தமிழ்நாட்டில் மொத்தம் 5 கோடியே 91 லட் சத்து 13 ஆயிரத்து 197 வாக்காளர்கள் இருக்கிறார்கள்.
இதில் ஆண் வாக்காளர்கள் 2 கோடியே 90 லட்சத்து 48 ஆயிரத்து 400 பேர். பெண் வாக்காளர்கள் 2 கோடியே 96 லட்சத்து 30 ஆயிரத்து 944 பேர்.
ஆண் வாக்காளர்களை விட பெண் வாக்காளர்கள் சுமார் 6 லட்சம் பேர் அதிகமாக இருக்கிறார்கள்.
தமிழ்நாட்டில் மொத்தம் உள்ள 6 கோடி வாக்காளர்களில் சுமார் 50 சதவீதம் பேர் இளம்வாக்காளர்கள் ஆவார்கள். 18-19 வயதுகளில் 8 லட்சத்து 98 ஆயிரத்து 759 பேர் இருக்கிறார்கள்.
இவர்கள் இந்த தேர்தலில் முதன் முதலில் வாக்களிக்க இருக்கிறார்கள் என்பது குறிப்பிடத்தக்கது. இவர்களது வாக்குகள் சில தொகுதிகளில் வெற்றி- தோல்விகளை நிர்ணயிக்க கூடிய வகையில் இருக்கும்.
வாக்காளர்களில் 1 கோடியே 18 லட்சத்து 37 ஆயிரத்து 274 பேர் 20 முதல் 29 வயது உடையவர்கள் ஆவார்கள். அதுபோல 1 கோடியே 38 லட்சத்து 55 ஆயிரத்து 913 பேர் 30 முதல் 35 வயது உடையவர்கள்.
மொத்தத்தில் தமிழ்நாட்டில் இளம் வாக்காளர்கள் எண்ணிக்கை 2 கோடியே 65 லட்சத்து 93 ஆயிரத்து 946 பேர் ஆகும். இவர்கள் வாக்குகள் எந்த கட்சிக்கு கிடைக்கிறதோ அந்த கட்சி தான் அதிக இடங்களில் வெற்றிகளை குவிக்க இயலும்.
40 வயதுக்கு மேற்பட்ட வாக்காளர்களின் எண்ணிக்கை குறைவாகவே உள்ளது. எனவே இளைஞர்களை கருத்தில் கொண்டு அனைத்துக் கட்சிகளும் தேர்தல் பிரசாரத்தை முன்னெடுக்கும் என்று கருதப்படுகிறது.
