நாமக்கல், ஜூலை. 22 –
சென்னையில் எதிர்வரும் ஜூலை 28 ல், இது நம்ம சென்னை இது நம்ம செஸ் என்ற தலைப்பின் கீழ், மாமல்லபுரத்தில், வரலாற்று சிறப்புமிக்க 44 ஆவது, செஸ் ஒலிம்பியாட் – 2022 போட்டிகள் நடக்க உள்ளது.
இப்போட்டி குறித்து, பொதுமக்களிடமும், மாணவர்களிடமும் விழிப்புணர்வு ஏற்படுத்தும் வகையில், அரசு பல்வேறு நடவடிக்கைகளை மேற்கொண்டு வருகின்றது..
அதன் ஒரு பகுதியாக இன்று எலச்சிபாளையம் வட்டார வளர்ச்சி அலுவலர் அலுவலகத்தில், வட்டார இயக்க மேலாண்மை அலகு அமைப்பின்கீழ், செஸ் குறித்த ஓவியம் வரைந்து விழிப்புணர்வு ஏற்படுத்தப்பட்டது.
இந்நிகழ்வில் பி.டி.ஓக்கள் தமிழரசி, புஷ்பராஜன், வட்டார இயக்க மேலாளர் கனகா, வட்டார ஒருங்கிணைப்பாளர்கள், சுயஉதவிக்குழு உறுப்பினர்கள், பி.டி.ஓ., அலுவலகப் பணியாளர்கள் என பலர் கலந்து கொண்டனர்.
