காஞ்சிபுரம், மார்ச். 16 –
தம்பட்டம் செய்திகளுக்காக செய்தியாளர் தினேஷ்
காஞ்சிபுரம் மாவட்டம், நாடாளுமன்றத் தேர்தலில் 40 தொகுதியிலும் வெற்றி பெற வேண்டும் என காஞ்சிபுரம் மாவட்ட அதிமுகவினர் காமாட்சி அம்மன் கோவிலில் தங்க தேர் இழுத்து அம்மனிடம் வேண்டிக் கொண்டனர்.
நாடாளுமன்றத் தேர்தல் ஏப் 19 ஆம் தேதி நடைபெறுவதை முன்னிட்டு அனைத்து கட்சியினரும் முன்னேற்பாடு பணிகளை வெகுத் தீவிரமாக மேற்கொள்ளப்பட்டு வருகின்றனர்.
அதனை முன்னிட்டு காஞ்சிபுரம் காமாட்சி அம்மன் கோவிலில் பங்குனி மாத முதல் வெள்ளிக்கிழமை யான நேற்று காமாட்சி அம்மன் லட்சுமி சரஸ்வதி உடன் மஞ்சள் நிற பட்டு உடுத்தி தங்க ஆபரணங்கள் அணிவித்து பல்வேறு வழங்கினால் அலங்கரிக்கப்பட்டு தங்கத்தேரில் எழுந்தருளி பக்தர்களுக்கு காட்சியளித்தார்.
இந்நிலையில் எதிர்வரும் நாடாளுமன்றத் தேர்தல் எதிர் வரும் ஏப்பரல் 19 ஆம் தேதி தமிழகத்தில் நடைபெற உள்ள நிலையில், 40 நாடாளுமன்ற தொகுதியிலும் அதிமுக கட்சி சார்பில் பொட்டியிடகூடிய வேட்பாளர்கள் அமோக வாக்கு சதவீதத்தில் வெற்றி பெற வேண்டி காஞ்சிபுரம் மாவட்ட அதிமுக சார்பில் முன்னாள் அமைச்சர் வி.சோமசுந்தரம் தலைமையில் காஞ்சிபுரம் காமாட்சி அம்மன் கோவிலில் சிறப்பு தங்கத்தேரினை இழுத்து அதிமுகவினர் அம்மனிடம் வேண்டுதல் வைத்தனர்.
அப்போது அவர்கள் அனைவரும் தங்கத்தேரினை கோவிலின் உட்பிரகாரத்தில் இழுத்து வந்தவாறு நாடாளுமன்ற தேர்தலில் வெற்றி பெற வேண்டி கோஷங்கள் எழுப்பி வலம் வந்தனர். பின் கோவிலுக்கு வந்த பக்தர்களுக்கு அன்னதானமும் வழங்கப்பட்டது.
