குன்றத்தூர், மார்ச். 24 –
குன்றத்தூர் தேவிநகரில் வசித்து வருபவர்கள் கெவின் 15 பிரவின்குமார் 15 இருவரும் குன்றத்தூரில் உள்ள ஒரு தனியார் பள்ளியில் படித்து வருகிறார்கள்.
இருவரும் பள்ளிக்கு பள்ளி சீருடை அணிந்து நேற்று காலை சைக்கிளில் சென்ற நிலையில், நேற்று மாலை வெகு நேரமாகியும் வீடு திரும்பவில்லை இது குறித்து அவர்களின் பெற்றோர்கள் பள்ளி மற்றும் காணாமல் போன மாணவர்களோடு சேர்ந்துப் படிக்கும் மாணவர்கள் மேலும் உற்றார் உறவினர் என எல்லோரிமும் கேட்டும் சென்றுப் பாரத்தும் மாணவர்களைப் பற்றிய எவ்வித தகவலும் தெரியவில்லை இதனைத் தொடர்ந்து குன்றத்தூர் காவல் நிலையத்தில் தங்கள் தொலைந்து போன பிள்ளைகளை கண்டுப்பிடித்து தரும்படி புகார் அளித்துள்ளனர். அப்புகாரின் அடிப்படையில் காவல்நிலையத்தில் வழக்கு பதிவு செய்யப்பட்டு மாணவர்களை தேடும் பணியில் போலீசார் ஈடுப்பட்டு வருகின்றனர். அதன் ஒரு பகுதியாக அவர்களைப் பற்றிய தகவல்கள் தெரிந்தவர்கள் காவல் நிலையத்தில் தெரிவிக்கும் படி துண்டு பிரசுரம் மற்றும் சமூகவலை தளங்களில் தகவல்கள் பறிமாற்றம் என பல்வேறு வழிகளில் தொடர் தேடும் பணியில் செயலாற்றி வருகிறார்கள்.
அம்மாணவர்கள் பற்றிய தகவல் அறிந்தவர்கள் குன்றத்தூர் காவல் ஆய்வாளர் 98401 25656 உதவி ஆய்வாளர் 94981 45552 கைப் பேசி எண்ணில் தொடர்புக் கொண்டு தகவல் அளிக்கும் படி குன்றத்தூர் காவல் நிலைய ஆய்வாளர் தெரிவித்துள்ளார்.
