தஞ்சாவூர், பிப். 25 –
தம்பட்டம் செய்திகளுக்காக செய்தியாளர் சாரு ….
தஞ்சாவூர் மாவட்டம், தஞ்சை மாநகர் ஆபிரகாம் பண்டிதர் சாலையில் அதிமுக தஞ்சை மத்திய மாவட்டம் சார்பில் முன்னாள் முதல்வர் ஜெயலலிதா பிறந்தநாள் பொதுக்கூட்டம் நேற்று நடைபெற்றது. கூட்டத்தில் அதிமுக தஞ்சை மத்திய மாவட்ட செயலாளர் மா சேகர் உள்ளிட்டோர் கலந்து கொண்டனர்.
மேலும் அக்கூட்டத்தில் சிறப்பு பேச்சாளராக கலந்து கொண்ட முன்னாள் மீன்வளத்துறை அமைச்சர் ஜெயபால் பேசும்போது கடந்த 2014 நாடாளுமன்றத் தேர்தலில் 39 தொகுதிகளிலும் 2016 சட்டமன்ற தேர்தலில் 234 தொகுதிகளிலும் இரட்டை இலை சின்னத்தில் தன்னந்தனியாக நின்று வெற்றி பெற்றவர் ஜெயலலிதா என்றார்.
மேலும் இன்று தமிழக மக்களுக்கு தேவையான அனைத்து திட்டங்களையும் செயல்படுத்தி விட்டோம் எனக் கூறும் ஸ்டாலின் தன்னந்தனியாக அனைத்து தொகுதிகளிலும் உதயசூரியன் சின்னத்தில் தனியாக நின்று பார்க்கட்டும் நாங்களும் இரட்டை இலை சின்னத்தில் தனியாக நிற்கிறோம், மோதிப் பார்க்கலமா என்ற அவர் பத்து பேர் சேர்ந்து கொண்டு ஒரு ஆளை தாக்குவது சிறப்பல்ல கூட்டணியை விட்டுவிட்டு தனி ஆளாக 2024 நாடாளுமன்ற தேர்தலில் நில்லுங்கள், எடப்பாடியும் தனியாக நிற்பார் வெற்றி பெறுவது யார் என்று போர்க்களத்தில் பார்ப்போம் என்று திமுகவிற்கு சவால் விட்டார்.
