தென்காசி, ஏப். 05 –
தென்காசி மாவட்டம் கீழப்பாவூர் அருகே அடைக்கலம் பட்டினம் எஸ்.எம்.ஏ பள்ளியில் ஆலங்குளம் வட்டார குழந்தை வளர்ச்சித் திட்டம் சார்பில் வளர் இளம் பெண்களுக்கான அனிமியா விழிப்புணர்வு கூட்டம் குழந்தை வளர்ச்சி திட்ட அலுவலர் மங்களநாயகி தலைமையில் நடைப்பெற்றது .
கூட்டத்தில் பள்ளியில் பயிலும் பெண் குழந்தைகளுக்கு அனிமியா விழிப்புணர்வு ஏற்படுத்தப்பட்டு சத்தான உணவுகள் உண்பது பற்றிய அறிவுரைகள் வழங்கப்பட்டது. நிகழ்வில் மேற்பார்வையாளர் நிலை 1, 2 வட்டார ஒருங்கிணைப்பாளர் மற்றும் அங்கன்வாடி பணியாளர்கள் பள்ளி குழந்தைகள் கலந்து கொண்டனர்.
