காஞ்சிபுரம், மார்ச். 24 –
தம்பட்டம் செய்திகளுக்காக செய்தியாளர் தினேஷ்
காஞ்சிமுரம் மாவட்டம், பாஜக தலைமையிலான என். டி. ஏ கூட்டணியின் காஞ்சிபுரம் நாடாளுமன்ற (தனி) தொகுதி பாட்டாளி மக்கள் கட்சி போட்டியிடுவதாக அக்கட்சியின் தலைவர் அறிவித்திருந்தார்.. மேலும் இத்தொகுதியில் ஜோதி வெங்கடேசன் என்ற பெண் வேட்பாளர் அக் கட்சியின் சார்பில் களம் காண்கின்றார்.
காஞ்சிபுரம் நாடாளுமன்ற (தனி) தொகுதியில் பாமக சார்பில் முதல் முறையாக அக் கட்சிப் போட்டியிடுவதால் பெரும் எதிர்பார்ப்பு நிலவி வருகிறது.
இந்நிலையில் வேட்பாளர் ஜோதி காஞ்சிபுரம் மாநகருக்கு இன்று வருகை தந்து சங்கர மடம் எதிரே உள்ள தந்தை பெரியார் சிலைக்கு கூட்டணி கட்சிகளுடன் ஒன்றிணைந்து மாலை அணிவித்து மரியாதை செலுத்திய பின் நகரின் முக்கிய பகுதிகளான செங்கழு நீரோடை வீதி, நான்கு ராஜ வீதி, பேருந்து நிலையம் போன்ற முக்கிய நகர் வீதி பகுதியில் கடை கடையாக சென்று வேட்பாளர் ஜோதி வெங்கடேசன் மாம்பழ சின்னத்தில் வாக்களிக்கும்படி தீவிர வாக்கு சேகரிப்பு ஈடுபட்டார்.
அதனைத்தொடர்ந்து சாலையோர பூக்கடையில் பூ விற்பனை செய்யும் பெண்ணிடம் நின்று மாம்பழ சின்னத்தில் வாக்களிக்கும் படி வாக்கு சேகரிப்பில் ஈடுபட்டார்.
