மதுரவாயல், ஏப். 19 –
சென்னை அடுத்துள்ள மதுரவாயலில் அப்பகுதி அதிமுக செயலாளர் மதுரவாயல் தேவதாஸ் ஏற்பாட்டில் அப்பகுதியில் கோடைக்கால நீர் மோர் பந்தல் திறப்பு விழா நிகழ்வு நடைபெற்றது.
மேலும் இந்நிகழ்வில் சிறப்பு விருந்தினராக பங்கேற்ற திருவள்ளூர் மத்திய மாவட்ட அதிமுக செயலாளரும், முன்னாள் அமைச்சருமான பென்ஜமின் பிரமாண்டமாக அமைக்கப்பட்டிருந்த கோடைக்கால நீர்மோர் பந்தலை ரிப்பன் வெட்டி திறந்து வைத்து, மேலும் அதனைத்தொடர்ந்து அப்பகுதிமக்களுக்கு நீர் மோர் மற்றும் பழங்கள் குளிர்பானங்களை வழங்கி சேவையை துவக்கி வைத்தார்.
மேலும் அப்பகுதியில் பிரமாண்டமாக அமைக்கப்பட்டிருந்த கோடைக்கால நீர் மோர் பந்தலில், பொதுமக்களுக்கு வழங்கிட ஏரளமாக இளநீர், வெள்ளரிக்காய், தர்பூசணி மோர், உள்ளிட்ட குளிர்ச்சியூட்டும் பழ வகைகள் அவ்வரங்கத்தில் அடுக்கி வைக்கப்பட்டிருந்தது. மேலும், இந்நிகழ்வின் போது, மாவட்ட அதிமுக இளைஞர் அணி சார்பில் டெனி உள்ளிட்ட ஏராளமான அதிமுக கழக நிர்வாகிகள் உடனிருந்தனர்.
