தஞ்சாவூர், மார்ச். 19 –
தம்பட்டம் செய்திகளுக்காக செய்தியாளர் சாரு
தஞ்சாவூர் மாவட்டம், மனநலம் பாதிப்புக்கு உள்ளாகி சாலையில் ஜடா முடியுடன் சுற்றி திரிந்த இளைஞருக்கு சிகை அலங்காரம் செய்து, குளிப்பாட்டி, புத்தாடை அணிவித்து அழகுப் படுத்திய தமிழக வெற்றிக் கழகத்தினர்.
திருப்பனந்தாள் பகுதியில் ஜடா முடியுடன் அழுக்கான ஆடையுடன் இளைஞர் ஒருவர் சுற்றி திரிந்துக் கொண்டிருந்தார். அதனைக் கண்ட நடிகர் விஜயின் தமிழக வெற்றிக் கழக கட்சியினர். அந்த இளைஞருக்கு சிகை அலங்காரம் செய்து. சாம்பு போட்டு நீராட்டி லுங்கி மற்றும் புதுச்சட்டை போன்ற புத்தாடை அணிவித்து அவரை புது மனிதனாக்கி உளம் மகிழ்ந்தனர். அதனைக் கண்ட அப்பகுதி மக்கள் பலரும் அவர்களின் மனிதாபிமான மிக்க செயலைக் கண்டு வியந்தனர்.
மேலும் அச்செயல் குறித்து அக்கட்சியினர் தெரிவிக்கும் போது ஆதரவு இல்லாமல் சுற்றி திரிபவர்களை கண்டறிந்து அவர்களுக்கு சேவை செய்வது தமிழக வெற்றிக் கழகத்தினரின் குறிக்கோளாக கொண்டுள்ளோம் என்றனர்.
