திருவாரூர், ஜன. 14 –
திருவாரூர் விளமல் பகுதியில் உள்ள கஸ்தூரிபா காந்தி மேல்நிலைப் பள்ளியில் இன்று சமத்துவ பொங்கல் விழா வெகு விமர்சையாக உரியடி நிகழ்ச்சியுடன் நடைபெற்றது.
இதில் ஒன்றாம் வகுப்பு முதல் பன்னிரண்டாம் வகுப்பு வரை உள்ள ஒவ்வொரு வகுப்பிற்கும், தனித்தனி பொங்கல் பானை வைக்கப்பட்டு பொங்கல் வைத்தனர். அப்போது பொங்கல் பொங்கி வரும் போது பொங்கலோ பொங்கல் என மாணவர்கள் உரக்க முழக்கமிட்டு மனம் மகிழ்ந்தனர்.
இதனையடுத்து மாணவர்களை ஊக்கப்படுத்தும் வகையில் நடைப்பெற்ற பழமையான விளையாட்டான உரியடி விளையாட்டு நிகழ்ச்சியில், மாணவர்கள் மட்டுமின்றி ஆசிரியர்களும் பங்கேற்றனர்.
மேலும், இந்நிகழ்ச்சியில் பள்ளி தாளாளர் சந்திராமுருகப்பன் மற்றும் ஆசிரியர்கள் மாணவ மாணவிகள் என திரளானவர்கள் பங்கேற்றனர்.
