அம்மையார்குப்பம், மார்ச். 06 –
திருவள்ளூர் மாவட்டம் ஆர்கே.பேட்டை ஒன்றியத்திற்கு உட்பட்ட அம்மையார்குப்பம் ஊராட்சிப் பகுதியில் தமிழகத்தின் முதலமைச்சரும் தி.மு.கழக தலைவருமான. மு.க.ஸ்டாலின் பிறந்தநாள் விழாவினை அப்பகுதி திமுக நிர்வாகிகள் மற்றும் பொறுப்பாளர்கள் தொண்டர்கள் என அனைவரும் ஒன்றுத் திரண்டு அப்பகுதி மக்களுக்கு உணவுகளை வழங்கிக் கொண்டாடினார்கள்.
திமுகவின் தலைவரும், தமிழ்நாடு முதலமைச்சருமான மு.க.ஸ்டாலின் பிறந்த நாள் மார்ச் 1 ஆம் தேதியன்று தமிழ்நாடு முழுவதும் திமுக தொண்டர்களால் பல்வேறு நலத்திட்டங்களை மக்களுக்கு வழங்கி கொண்டாடினார்கள். அதன் தொடர்ச்சியாக மார்ச் மாதம் முழுவதுமாக அவரது பிறந்த நாளை கொண்டாடும் வகையில் அதன் தொடர்ச்சியாக இன்று அம்மையார்குப்பத்தில் திமுகவினர் சார்பில் பொதுமக்களுக்கு உணவு வழங்கிக் கொண்டாடினார்கள்.
இந்த நிகழ்வில் அம்மையார்குப்பம் கிராமத்தில் திமுகக்கழக முன்னாடிகளான E.S. கோவிந்தசாமி, வையபுரி, K.M.சுப்பிரமணி மற்றும் அம்மையார்குப்பம் கிராமத்தின் தொழிலதிபருமான G.B.T. கார்த்திகேயன் ஆகியோர் பஸ் நிலையத்தில் உள்ள அண்ணா திருவுருவச் சிலைக்கு மாலை அணிவித்து பின்னர் ஊர் பொதுமக்களுக்கு அன்னதானம் வழங்கினார்கள்.
மேலும், இந்த நிகழ்வில் சி.பி.புருஷோத்தமன், சேஷ. சுப்பிரமணி, Dr.N.V. பழனி, எஸ்.கே சத்யநாராயணன், V. S. சிங்காரம், V.S.இராஜாராம், மற்றும் அம்மையார்குப்பம் தி.மு.கழக பொறுப்பாளர்கள் மற்றும் கழக தொண்டர்கள் என ஏராளமானவர்கள் கலந்து கொண்டனர்.
