பொன்னேரி, சனவரி, 22 –
தம்பட்டம் செய்திகளுக்காக திருவள்ளூர் மாவட்டச் செய்தியாளர் பாலகணபதி …
இன்று உத்திரப்பிரதேச மாநிலம், அயோத்தியில் அமைத்துள்ள பால ராமர் திருக்கோயிலில் நடைப்பெற்ற மகா கும்பாபிஷேகத்தினை முன்னிட்டு, திருவள்ளூர் மாவட்டம், பொன்னேரி தொகுதிக்குட்பட்ட வேம்பாக்கம் பகுதியில் அமைந்துள்ள ஸ்ரீ பொன்னியம்மன் திருக்கோவிலில் அயோத்தி பால ராமர் கோயில் கும்பாபிஷேகத்தின் நேரலை காட்சிகளை பொதுமக்கள் கண்டு களித்திடும் வகையில், திருவள்ளூர் கிழக்கு மாவட்ட பாஜக சார்பில் எல்இடி திரை அமைத்திருந்தனர். மேலும் அக்கோயிலில் அம்மனுக்கு சிறப்பு பூஜை மற்றும் அபிஷேகம் உள்ளிட்ட வழிப்பாடுகள் நடைப்பெற்றது.
மேலும் அத்திருக்கோயில் வளாகத்தில் பாஜகவினர் அயோத்தி பால ராமர் திருக்கோயில் கோபுர புகைப்படத்தினை அமைத்து அதற்கு பூஜை செய்து ராமபிரானின் திருநாம மந்திரங்களை பஜனை பாடலாக பாடினார்கள்.
மேலும் இந்நிகழ்விற்கான அனைத்து ஏற்பாடுகளையும் திருவள்ளூர் கிழக்கு மாவட்ட பாஜக சார்பில் மாவட்டச் செயலாளர் நந்தன் ஏற்பாடு செய்திருந்தார். திரளான் அப்பகுதி பொதுமக்கள் பங்கேற்ற இந்நிகழ்ச்சியில் மாநில பட்டியல் அணி துணை தலைவர் அன்பாலயா சிவக்குமார், மாவட்ட ஆன்மீக மற்றும் ஆலய மேம்பாட்டு பிரிவு மாவட்ட செயலாளர் பிரபு, மாவட்ட செயலாளர் பெரிய காவணம் கோட்டி, தடப்பெரும்பாக்கம் ஊராட்சி மன்ற தலைவர் பாபு, மீஞ்சூர் தெற்கு ஒன்றிய பாஜக துணை தலைவர் ஜெகதீசன், மீஞ்சூர் தெற்கு ஒன்றிய மகளிர் அணி தலைவி தேன்மொழி, தடப்பெரும்பாக்கம் கிளை தலைவர் சண்முகம், ஞானமூர்த்தி, சத்யா, லிங்கேஸ்வரன், தங்கராஜ், பிரசன்னா உள்ளிட்ட அக்கட்சியின் தொண்டர்கள் பங்கேற்றனர்.
