தஞ்சாவூர், மே. 20 –
தம்பட்டம் செய்திகளுக்காக சாரு…
தஞ்சாவூரில் நடைப்பெற்ற போதை பொருட்களுக்கு எதிரான விழிப்புணர்வு சாதனை நிகழ்வில் 300 சிலம்ப வீரர்கள் ஒற்றை சிலம்பத்தை தலைக்கு மேல் சுழற்றியவாறு 3 நிமிடங்களில் 90 முறை உட்கார்ந்து எழுந்து சாதனை புரிந்தனர். அச்சாதனை நோபல் உலக சாதனை புத்தகத்தில் இடம் பிடித்துள்ளது.
தஞ்சை தூய அந்தோணியார் மேல்நிலை பள்ளி வளாகத்தில் ஸ்டார் குளோபல் இன்டர்நேஷனல் சாரிடபிள் டிரஸ்ட் சார்பில் போதை பொருட்களுக்கு எதிரான விழிப்புணர்வு சாதனை நிகழ்வு நடைப்பெற்றது. அதில் பெண்கள், சிறுவர்கள், சிறுமியர்கள் என தமிழகத்தின் பல்வேறு பகுதிகளை சேர்ந்த 300 சிலம்ப வீரர்கள், வீராங்கனைகள் ஒரே நேரத்தில் ஒற்றை சிலம்பம் தலைக்கு மேல் சுழற்றியவாறு 90 முறை உட்கார்ந்து எழுந்து சாதனை புரிந்து நோபல் உலக சாதனை புத்தகத்தில் இடம் பிடித்தனர். சாதனை புரிந்த வீரர், வீராங்கனைகளின் பெற்றோர்கள் பாராட்டப்பட்டனர்.
