மீஞ்சூர், மார்ச். 07 –
தம்பட்டம் செய்திகளுக்காக செய்தியாளர் பாலகணபதி
திருவள்ளூர் மாவட்டம், மீஞ்சூர் பேரூராட்சி பகுதிக்கு உட்பட்ட 15 மற்றும் 16 வது வார்டு அதிமுக நிர்வாகிகள் சார்பில் மறைந்த முன்னாள் முதல்வர் ஜெயலலிதாவின் 76 ஆம் ஆண்டு பிறந்த நாள் விழா கொண்டாடப்பட்டது
அவ்விழாவிற்கு திருவள்ளூர் கிழக்கு மாவட்ட கழக அதிமுக செயலாளர் சிறுணியம் பி. பலராமன் தலைமை வகித்து கட்சிக் கொடி ஏற்றி வைத்து, இனிப்புகள் வழங்கி அவ்விழாவினை தொடங்கி வைத்தார்.
தொடர்ந்து நூற்றுக்கும் மேற்பட்ட ஏழை மற்றும் எளியோர்க்கு அருசுவை உணவினை வழங்கினார். அதில் மீஞ்சூர் ஒன்றிய அதிமுக செயலாளர் நாலூர் முத்துக்குமார், மாவட்ட எம்ஜிஆர் மன்ற துணைச் செயலாளர் பி.டி.பானு பிரசாத், நகர செயலாளர் பட்டாபிராமன், மேலூர் சிவலிங்கம், ஜி மோகன்,நகர துணை செயலாளர் எம்.வி.தமிழரசன், வட்ட செயலாளர் காமராஜ், மீஞ்சூர் மாரி, உள்ளிட்ட திரளான அதிமுக தொண்டர்கள் மற்றும் பொதுமக்கள் கலந்து கொண்டனர்.
மேலும் நிகழ்ச்சியின் ஏற்பாட்டை கிளை செயலாளர் ஜி.மோகன், மேலவை பிரதிநிதிகள் சி.அசோகன், எம். டில்லிபாபு உள்ளிட்டவர்கள் செய்திருந்தனர்.
