திருவாரூர், மார்ச். 19 –
தம்பட்டம் செய்திகளுக்காக செய்தியாளர் ஜெயராமன்
திருவாரூர் மாவட்டம், திமுக மாவட்ட செயலாளர் பூண்டி கலைவாணன் தலைமையில் இன்று முத்துப்பேட்டை பாஜக ஒன்றிய செயலாளர் திமுகவில் இணைந்தார். அவருக்கு திமுக கட்சி சால்வையைப் போர்த்தி அவரை கலைவாணன் வரவேற்றார்.
முத்துப்பேட்டை தாலுகா, இடும்பாவனம் பகுதியை சேர்ந்த முருகையன் மகன் சக்தி என்பவர் பாஜக ஒன்றிய செயலாளராக பதவி வகித்து வந்தார் இந்நிலையில் இன்று திருவாரூர் திமுக நகர கழக அலுவலகத்தில் திமுக மாவட்ட செயலாளர் பூண்டி கலைவாணன் தலைமையில் திமுகவில் அவர் இணைந்தார்.
திமுகவில் இணைந்த பாஜக ஒன்றிய செயலாளர் இடும்பாவனம் சக்திக்கு இரு வர்ண வேட்டியை அணிவித்து திமுக மாவட்ட செயலாளர் பூண்டி கலைவாணன் வரவேற்றார்.
