கும்மிடிப்பூண்டி, மார்ச். 29 –
திருவள்ளூர் மாவட்டம், கும்மிடிப்பூண்டி அடுத்துள்ள பால கிருஷ்ணாபுரம் எலைட் தனியார் பள்ளியில் யோகா உலக சாதனை நிகழ்வு நடைபெற்றது. இந்நிகழ்ச்சி வினா ஸ்ரீ யோகா பயிற்சி மற்றும் ஆராய்ச்சி மையத்தின் நிறுவனரும், யோகா வாழ்நாள் சாதனையாளர் மற்றும் சிறந்த யோகா பயிற்சியாளர் விருது பெற்ற காளத்தீஸ்வரன் ஏற்பாட்டில் நடைபெற்றது.
மேலும் இப்பள்ளியில் நடைப்பெற்ற மாபெரும் யோகா உலக சாதனை நிகழ்வில், யோகா மாணவர்கள் 123 பேர் தங்கள் உடலை பின்புறம் வில்லாக வளைத்து மூச்சை அடக்கி செய்யக்கூடிய மிகவும் கடினமான லகு வஜ்ராசனதை ஒரே நேரத்தில் 100 வினாடிகள் நிகழ்த்தி அசத்தினார்கள். அதனைத்தொடர்ந்து அச்சாதனை நோவா உலக சாதனை புத்தகத்தில் இடம் பிடித்த்துள்ளது.
மேலும் உலக சாதனை புத்தகத்தில் இடம் பிடித்த 123 மாணவர்களுக்கும் கும்மிடிப்பூண்டி சுற்றுவட்டார பகுதியைச் சேர்ந்தவர்கள் வாழ்த்து தெரிவித்து வரும் நிலையில் இச்சாதனைக்கு வித்திட்ட வாழ்நாள் சாதனையாளர் காலத்தீஸ்வரன் மற்றும் வினா ஸ்ரீ யோகா பயிற்சி மையத்தின் ஆசிரியர்கள் வித்யா, அர்ச்சனா ஆகிய யோகா பயிற்சி ஆசிரியர்களுக்கும் பாராட்டுகளை தெரிவித்து வருகின்றனர்.
மேலும் இந்நிகழ்வில், சிறப்பு விருந்தினர்களாக மாதவரம் வட்டாட்சியர் நித்தியானந்தம், எலைட் குழுமம் சி.எ.ஓ பால் சபாஸ்டின், முதல்வர் கீதா ஆகியோர் பங்கேற்றனர்.
