திருவாரூர், மே. 08 –
தமிழ்நாட்டில் மு க ஸ்டாலின் தலைமையிலான திமுக கட்சியின் திராவிட மாடல் ஆட்சி பொறுப்பேற்று ஈராண்டு நிறைவு பெற்றதைத் தொடர்ந்து அவ்வாட்சியின் சாதனை விளக்க பொதுக்கூட்டங்கள் அக்கட்சியினரின் சார்பில் தமிழ்நாடு முழுவதும் நடைப்பெற்று வருகிறது.
அதன் தொடர்ச்சியாக திருவாரூர் மாவட்ட திமுக கட்சியின் சார்பில் அம்மாவட்டத்தின் பல்வேறு பகுதிகள் முழுவதிலும் திராவிடமாடல் ஈராண்டு சாதனை விளக்க பொதுக்கூட்டங்கள் நடைப்பெற்றது.
திருவாரூர் மாவட்டம் கொரடாச்சேரி ஒன்றியத்துக்கு உட்பட்ட அம்மையப்பன் மற்றும் கண்கொடுத்தவணிதம் பகுதிகளில் திமுக ஒன்றிய செயலாளர் பாலச்சந்தர் தலைமையில் திராவிட மாடல் ஈராண்டு சாதனை விளக்க பொதுக்கூட்டமும், அதுப்போன்று, கூத்தாநல்லூர் லட்சுமாங்குடி கடை வீதியில் நடைபெற்ற சாதனை விளக்க பொதுக் கூட்டத்தில் திமுக மாவட்ட செயலாளரும் திருவாரூர் சட்டமன்ற உறுப்பினர் பூண்டி கலைவாணன் கலந்து கொண்டு முதலமைச்சர் மு.க.ஸ்டாலின் தலைமையிலான திராவிட மாடல் ஆட்சியின் ஈராண்டு சாதனைகள் குறித்த விளக்கவுரையாற்றினார்.
அதனைத் தொடர்ந்து திருவாரூரில் நடைபெற்ற சாதனை விளக்க கூட்டத்தில் முன்னாள் எம்எல்ஏ நாகை அசோகன் கலந்து கொண்டு திராவிட மாடல் ஆட்சியின் ஈராண்டு சாதனைகள் குறித்து பொதுமக்களிடையே உரை நிகழ்த்தினார்.
மேலும் குடவாசல் எரவாஞ்சேரி பகுதியில் நடைபெற்ற சாதனை விளக்க பொதுக்கூட்டத்தில் குடவாசல் திமுக ஒன்றிய செயலாளர் ஜோதிராமன் மூன்றாவது ஆண்டில் அடியெடுத்து வைப்பதை கொண்டாடும் வகையில் பொது மக்களுக்கு இனிப்புகள் வழங்கி கொண்டாடினார். இந்நிகழ்வுகள் அனைத்திலும் திராளன பொதுமக்கள் மற்றும் திராவிட முன்னேற்ற கழகத்தின் முன்னணி தலைவர்கள் பொறுப்பாளர்கள், நிர்வாகிகள் மற்றும் அக்கட்சித் தொண்டர்கள் பங்கேற்று விழாவினை சிறப்படையச் செய்தனர்.
