மீஞ்சூர், ஏப். 13 –
திருவள்ளூர் மாவட்டம் மீஞ்சூரை அடுத்த அத்திப்பட்டு புதுநகர் பகுதியில் அமைந்துள்ள ஓம்ஸ்ரீ ஷீரடி ஆசீர்வாத சாய்பாபா திருக்கோவில். மகா கும்பாபிஷேக விழா இன்று நடைபெற்றது.
விழாவிற்கு மீஞ்சூர் தெற்கு ஒன்றிய திமுக செயலாளர் வல்லூர் எம். எஸ்.கே..ரமேஷ்ராஜ் தலைமை வகித்தார். மீஞ்சூர் ஒன்றிய பெருந்தலைவர் அத்திப்பட்டு ஜி.ரவி .திருவள்ளூர் மாவட்ட இளைஞரணி அமைப்பாளர் ஏ.ஆர்.டி. உதயசூரியன். அத்திப்பட்டு ஊராட்சி மன்ற துணை தலைவர் எம்.டி.ஜி.கதிர்வேல் .வல்லூர் தமிழரசன். முன்னாள் ஒன்றிய கவுன்சிலர் அத்திப்பட்டு ஷங்கர். உள்ளிட்டவர்கள் முன்னிலை வகித்தனர்.
இன்று காலை 10 மணியளவில் நடைபெற்ற மகா கும்பாபிஷேக விழாவில் சுற்று வட்டாரத்தில் இருந்து திரளான பொதுமக்கள் கலந்து கொண்டனர். பட்டாச்சாரியார்கள் வேதங்களை முழங்க பல்வேறு நதிகளில் இருந்து கொண்டுவரப்பட்ட புனிதநீர் கோபுர கலசத்தின் மீது ஊற்றி அபிஷேகம் செய்தனர்.
அப்போது பக்தகோடிகள் அனைவரும் பாபாவின் திருநாமத்தை உச்சரித்து பக்தியில் ஆழ்ந்தனர். இத்திருக்கோவிலில் நிகழ்ச்சிகளை புருசோத்தமன் மற்றும் அத்திப்பட்டு புதுநகர் கிராமத்தினர் செய்திருந்தனர். இதில் ஆறுமுகம். ஏழுமலை. பார்த்தசாரதி, சாந்தா, கதிரேசன், சுகுணா, விஜய், தினகரன், .அன்பாலயா சிவக்குமார், பிஜேபி மாவட்ட செய்தி தொடர்பாளர் கோகுலகிருஷ்ணன் உள்ளிட்டவர்களும் மற்றும் திரளான பக்தகோடிகள் கலந்துகொண்டனர். மேலும் நிகழ்ச்சியில் பங்குபெற்ற அனைவருக்கும் சிறப்பு அபிஷேக ஆராதனையும் அன்னதானமும் வழங்கப்பட்டது.
