திருவாரூர், மே. 26 –
தம்பட்டம் செய்திகளுக்காக கே.நாகராஜன் ..
திருவாரூரில் உலக பிரசித்தி பெற்ற திருவாரூர் தியாகராஜர் திருக்கோவிலில் தெப்பத் திருவிழாவின் போது சிறப்பாக பணியாற்றிய நகராட்சி தூய்மை பணியாளர்களுக்கு நன்றி தெரிவிக்கும் விதமாக தனியார் அமைப்பு சார்பில் அசைவ விருந்து வழங்கப்பட்டது.
திருவாரூரில் உலக பிரசித்தி பெற்ற தியாகராஜர் திருக்கோவில் தெப்பத் திருவிழா இன்று அதிகாலை நிறைவடைந்தது. இதில் சிறப்பாக நகரை தூய்மையாக வைத்திருக்க பணியாற்றிய நகராட்சி தூய்மை பணியாளர்களுக்கு ஈர உள்ளம் அமைப்பில் சார்பில் அமைப்பின் தலைவர் அண்ணாதுரை தலைமையில் நன்றி தெரிவிக்கும் நிகழ்ச்சி நடைபெற்றது.
தனியார் அரங்கில் நடைபெற்ற நிகழ்ச்சியில் சிறப்பாக பணியாற்றிய தூய்மை பணியாளர்களை கௌரவிக்கும் விதமாக பாதுகாப்பு உபகரணங்கள் வழங்கப்பட்டு, அசைவ விருந்து வழங்கப்பட்டது.
இதில் திருவாரூர் நகராட்சியில் பணிபுரியும் 200 தூய்மை பணியாளர்கள் பங்கேற்றனர். இந்த நிகழ்ச்சியில் திமுக நகர செயலாளர் வாரை. பிரகாஷ், நகர காவல் ஆய்வாளர் மோகன் மற்றும் ஏராளமான பங்கேற்றனர்.
